【降魔的2.0】「大話魔」易宇航棄醫生之路追演員夢:睇唔到將來

撰文:董欣琪
出版:更新:

由馬國明、黃智雯、胡鴻鈞及劉佩玥等主演的TVB劇集《降魔的2.0》自開播至今備受好評,吸引不少劇迷追看!在劇中飾演「大話魔」比利的易宇航(Julian Gaertner),以郭展明(黃子恆飾)的幻影誘騙張佩玲(林凱恩飾)殺人來增強自己的魔力,不少觀眾都大讚金髮碧眼的易宇航演繹得非常傳神!

易宇航(Julian Gaertner)在劇中飾演「大話魔」比利。(電視截圖)
+11

現年32歲的易宇航來自德國,自小在慕尼黑長大,雖然外形是百分百的外國人,但能操一口流利廣東話的他原來已經居港超過10年。易宇航在2013年開始涉足演藝圈,由「茄喱啡」做起,曾參演過《愛·回家之開心速遞》、《福爾摩師奶》、《解決師》、《機場特警》等。其實易宇航出身醫學世家,家族在慕尼黑經營醫院,不過自12歲開始演舞台劇的他因為對演戲有興趣,所以毅然放棄醫生之路。易宇航在接受《香港01》訪問時表示自己非常熱愛表演:「我之前都有喺醫院幫爹地手,但我覺得醫生呢個職業太嚴肅、沉悶唔啱我,睇唔到將來,而我份人比較Funny,又鍾意自由,做醫生成日返工會好唔開心,我覺得做演員更有挑戰性,希望透過演戲表達自己嘅諗法同感受。」

易宇航出身醫學世家,但他因為熱愛演戲,所以毅然放棄醫生之路。(IG@juliangaertner)

今次易宇航在劇中飾演「大話魔」比利,戲份比之前的劇多了,但他坦言要在兩個角色之間切換有難度:「今次有機會同導演、監製傾,令我更了解呢個角色嘅背景,但「大話魔」同比利係兩個完全唔同嘅性格,有時拍後面嘅比利先,會搞到有啲亂。而且我睇劇本好慢,要用好多時間去研究。」精通德語、英語、法語、普通話及廣東話五種語言的易宇航隻身來港發展多年,全因對中國文化好有興趣:「好多德國人唔了解中國、唔了解香港,我希望可以做一個Bridge(橋樑),話畀德國人聽我哋都可以學廣東話,就算係唔同文化嘅人都可以溝通交流。」

不少觀眾都大讚金髮碧眼的易宇航演繹得非常傳神!(電視截圖)
但演繹比利又是另一種感覺!(電視截圖)

易宇航在坪洲居住,他表示很喜歡有山有海的生活,但他亦坦言做演員人工未如理想:「屋企人都支持我,但始終喺香港生活壓力大,我都有自己搞APP賺錢,仲有做Producer(製作人)、寫劇本。」易宇航自爆鍾意香港女仔,認為去外國進修過的香港女仔視野更廣闊,價值觀比較相近,但他坦言要找一個另一半不容易:「香港女仔會覺得我份工唔穩定又辛苦,又會嫌我冇車,冇時間陪佢出街,但我希望搵到一個明白我、可以同我一齊奮鬥嘅女仔。」

熱愛打MMA的易宇航超大隻!(IG@juliangaertner)
+17
發表評論...