日本水著女星瘋狂炮製昆蟲料理　用蠶糞便做煎茶

日本嘅水著女星荒川真衣，不時都喺Twitter分享有關昆蟲嘅內容，早前佢喺節目《有吉反省會》上表示最先接觸食用昆蟲係由蟋蟀開始，之後對食用昆蟲愈來愈感興趣，並不時加以研究，希望更多人以昆蟲當為食物，於是佢嘅IG同Twitter不時都會有食用昆蟲文章，而佢YouTube頻道更有唔少蟲料理嘅教學。

荒川真衣徐咗試過用昆蟲炒飯、煲湯、整蛋糕之外，又試過用蠍子送飯，又或者係蠶嘅糞便製成煎茶。而喺佢屋企，更飼養超過300隻昆蟲，除有蟑螂及蟋蟀之外，亦有可以用作食材嘅蟲類動物……荒川真衣更表示屋企所飼養嘅杜比亞蟑螂，味道同蝦差不多！早荒川真衣喺YouTube頻道教整咗一道黃粉蟲炸雞，大讚味道滿分之餘，營養十足，仲話製作簡單，叫大家都可以試試。