【是敢的】盧巧音多得黃耀明 Sing途開竅 無懼與老公七年之癢

撰文:
最後更新日期:

盧巧音98年出道至今已經22年,2002憑《好心分手》橫掃香港各大樂壇頒獎禮,2003年首次於紅館舉行個人演唱會。呢日佢接受香港開電視節目《是敢的》主持人梁梓禧(Roland)訪問。Candy提到出道初已認識當年仍是電台DJ嘅Roland,日日夜夜喺節目播Candy嘅歌曲之餘,又喺節目大讚佢又靚唱歌又好聽,難怪Roland笑言:「佢(盧巧音)當年嘅成功,我係佔1%!」對於當年Roland嘅「寵幸」,盧巧音反問:「係啦,日日播、次次播、晚晚播,我真的以為你暗戀我。」Roland聞言亦笑說:「真的暗戀你,那時候的你,很有個性。」

盧巧音接受香港開電視節目《是敢的》主持人梁梓禧(Roland)訪問。

談到音樂之路,盧巧音指當年接觸音樂,源於家貧,在音樂路途上,盧巧音指黃耀明係影響佢最大嘅人:「喺我出道前嘅表演,聲音很唔穩定,黃耀明同我講『你唱得聲線亦唔差,但你要探索自己嘅聲音。』意思係我要探索自己聲帶裡好多可能性令我開竅。」出道後,盧巧音憑歌曲《好心分手》、《三角誌》等走紅,人紅換來無限精神壓力,繼而患上情緒病:「當時情緒唔好,又唔可以長期食藥,需要搵方法,咁就不如做運動啦!於是就到維園跑步,亦係我第一次外出做運動。」

盧巧音指當年接觸音樂,源於家貧:「童年時,爸爸是小巴司機,媽媽是洗碗工人,家姐早就外出謀生或是上學,家裡大多時候只有我一個,媽媽中午會預備一碟菜,我放學煮熱便吃,那段時間在家沒有甚麼事可做,便扭開收音機聽音樂,好正,是80年代的新浪漫時代音樂,這便是我開始接觸音樂。」

節目中,盧巧音亦大談同老公蘇浩才相識相戀經過,佢大讚對方表示:「我覺得佢係個好盡責嘅人、好仔細俐落,雖然我認識佢時,佢只係三十幾歲,但處事卻唔似這年紀嘅人,對話好成熟加上孝順媽媽,我覺得佢很可取。」盧巧音直言跟老公會因為瑣碎事吵架,但她認為吵架是很正常,最重要是將說話說出來,不要埋在心底裡,是溝通的一種,她謂:「其實夫妻相處之道在於互相尊重、包容與溝通。」問到2013年結婚的盧巧音,可會擔心「七年之癢」?她笑言:「應該沒有,他很乖。」

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。