羅志祥7千字懺悔文設打賞功能 兩日爽賺3萬人仔

撰文:鄺鈺瑩
出版:更新:
羅志祥於520發七千字長文,不過唔少網民認為佢為嘅係人設。

羅志祥於520寫下7000字長文,細數同周揚青嘅甜蜜事跡,但唔少網民認為羅志祥咁做只為重新建立人設、又或者係為復出鋪路,仲笑佢40歲人好意思稱自己做男孩。有網民隨後舉辦「羅志祥和周揚青復合嗎?」投票,估唔到羅志祥用自己帳號投下贊成票。

原來仲有打賞……2日賺咗三萬幾人仔。

文章至今已有7351萬閱讀次數,不過有網民發現喺文章末端,有一個微博嘅打賞功能,每次出手最少9.9人仔,而至今已已有3425次打賞,其中一名更打賞了999元人仔,粗略一計,呢七千字為羅志祥帶嚟逾三萬收入……對於曾經主持費以千萬元起標嘅羅志祥嚟講,呢三萬幾元微不足道,但都叫好過無。

七千長文後,羅志祥為自己嘅品牌新貨宣傳。
+11