陳明恩宣布離巢TVB 《飛虎之雷霆極戰》成告別作
撰文：洪曉璇
出版：更新：
憑劇集《老表，你好嘢！》為人熟悉嘅陳明恩，原來已經喺TVB工作13年，呢日喺IG宣佈已於2月約滿離巢，正在播出嘅《飛虎之雷霆極戰》就係佢嘅告別作。
陳明恩多次參演老表系列劇集。（IG：@dancingcorinn）
由07年嘅《同事三分親》至今，熱愛唱歌多於演戲嘅陳明恩終於選擇離巢，佢喺IG留言話：「好開心有機會參與 TVB《飛虎之雷霆極戰》， 可以一齊飛去倫敦拍戲！ 真係好難忘！這是我在TVB參與最後一部電視劇，好感激咁多年可以有機會喺TVB工作， 認識到好多好有才華嘅人，同埋結識咗好多好朋友。 多謝TVB 、樂小姐、珍姐、多謝咁多位監製，導演 ，前輩， 藝員同事，化妝 服裝 髮型同事 ，同埋所有幕後同事 ，畀好多機會我同埋教識我好多嘢，喺我人生裏面有著好重要的歳月, 我已經好掛住大家，珍惜你哋每一位。我現剛約滿，會休息一陣，稍後會繼續嘗試不同類型的演藝跳舞唱歌工作，追求一個更進步的自己，期待為大家帶來更多的新鮮感，謝謝各位。」
陳明恩於IG宣布離巢。（IG：@dancingcorinn）
+12