柳妍熙投資千萬開藝人練習生訓練學校 疫情影響大失預算
撰文:洪曉璇
出版:更新:
肺炎疫情下近半年時間各行各業都大受影響,歌手柳妍熙(Scarlett)表示,自己投資過千萬籌辦的藝人練習生訓練學校,原定去年9月開課,但受疫情影響,開校進度一再延期,令佢大失預算:「學校拖咗咁耐都未開到,但租金就一直交,所以都好大壓力!但樂觀啲睇,正因為疫情,令我有充份時間準備得更好,我當正學校係我BB一樣,期待佢出世!」
身為前國家短跑運動員嘅Scarlett,坦言辦學過程縱然波折重重,但就如比賽一樣唔會輕言放棄:「可能我有運動員精神,就算疫情下我都冇諗過放棄,堅持到底!為咗籌備學校,我每日瞓得3、4個鐘!雖然辛苦,但覺得好充實,好開心!」
Scarlett為了學校工作忙個不停,談及能否兼顧音樂工作,佢坦言:「其實有時都好對唔住啲Fans,特別係呢2年,成日都話想出歌,希望今年底或者出年,可以有多啲新作送俾大家!」
+1