古明華經歷兩次生死愧對太太:咁多年做演員都係自私

撰文:鄺鈺瑩
出版:更新:
古明華話寧願全職配音都唔想拍劇。(陳順禎攝)

古明華四月初時因膽囊發炎而入院做手術,最終將整個膽囊切去,縫了11針,休息了三星期才為ViuTV真人騷《中佬唔易做》開工。其實本身已有糖尿病嘅古明華,曾在2016年時因肺感染而住院3個月,他接受《香港01》訪問時,指太太曾患病、女兒亦由十歲起成了長期病患,所以自己在面對逆境時已十分習慣。「呢個病最深感受並唔係自己能唔能夠繼續生活,而係你要好實在、好開心咁熱愛你嘅生命、身邊嘅人,唔好只專注喺痛苦或難題之上,呢啲係人生必須面對,只不過睇你同咩人去經歷,即係無論我拎獎又好、病又好,都同家人一齊 ,呢個先係最重要。

古明華於2012憑《巴不得媽媽》「蘇基」一角獲得「最佳男配角」。(TVB圖片)

經歷過兩次大病,古明華笑言仍未學會養身,但已學會活在當下、珍惜身邊人。他又憶起早年發現肺部有陰影時,醫生指有機會為癌症的一刻。「 嗰時就會諗有咩地方要去,好多內疚、傷感未解決,同埋會諗起老婆, 因為咁多年都係自私做演員,直到我去咗配音。如果唔做呢行,我哋生活上可以俾到佢哋好啲,呢個都幾肯定,但係我自私,唔去睇佢哋,而佢哋又唔投訴,好似覺得咁嘅生活OK就算數,但其實件事唔應該係咁,應該切實咁企喺佢地立場去睇,所以去到2009決定全職配音,因為生活好隱定,物質上亦好舒服,成家人生活係好好,周未可以陪家人,過咗人生最好嘅3年。但因為拎到獎,公司想我拍返嘢,於是又拍返嘢,拍野係老婆同女都最想我做,而我到呢一刻都認為,如果環境同之前一樣,我寧願配音, 唔拍劇都得。平淡是福,當你經歷過又感受過就會知道。」

你可能感興趣