刑偵日記｜惠英紅王浩信演精神病母子 拍戲博到盡：灌水扣喉真嘔
撰文：張嘉敏
出版：更新：
惠英紅 （紅姐）與王浩信（Vincent）齊齊出席有份主演的無綫新劇《刑偵日記》（暫名）拜神儀式，兩人在劇中飾演一對母子，且同樣都有精神問題。紅姐說：「我個角色患有嚴重精精分裂，最難係要處理我嘅情緒，有時理智，有時就唔理智，演呢個角色一啲都唔好玩，好辛苦每一場都好用心神心力去演，好攰，我有問監製我係咪得罪咗佢。其中有一場戲講我食完我個心理醫生開嘅藥之後要嘔，我就扣喉，特登灌四樽水等自己可以扣喉嘔，拍咗兩take，真嘔，嘔到成手都係，嘔完仲要講我即刻出現幻覺，拍完呢場戲仲攰過我拍一場打戲。」
惠英紅與王浩信在劇中飾演一對母子。（梁碧玲攝）
而Vincent的角色則擁有多重人格，他說：「將自己本身內心入面有嘅放大嚟演，其實每個人心入面或多或少都會有唔止一種人格，係複雜嘅，所以都好有難度。（同演盲嘅比較呢？）今次係另外嘅難，我個角色係做一個筆跡專家，之前小紅姐都演咗一個盲嘅角色，我都有請教小紅姐。今次我個角色其實唔止一個角色，都有啲輕鬆位嘅，其中一個人格叫勁峰，係灰諧啲搞笑啲嘅，係同王敏奕嗰條線，都成日出嚟，演佢嘅時候就輕鬆啲。」
+1