40歲明道爆喜訊　去年與王庭萱註冊結婚更已榮升父母

2000年前後台灣偶像劇風靡全亞洲，明道憑住一套《王子變青蛙》躍升成少女眼中男神﹗現年40歲嘅明道出道以嚟從未公開承認拍拖，呢日透過經理人宣佈唔止已經結婚仲做埋爸爸啦﹗

明道喺2016年被影到同前女團KISS成員王婷萱疑似秘戀，但二人一直未有承認戀情。有台灣媒體呢日報導，影到明道同王婷萱、明道媽媽以及工人到陽明山玩，更有一個初生嬰兒，著住紅色衫仔有個雙下巴好可愛，明道更抱住BB狂鍚廿幾啖，父愛洋溢。佢嘅經理人其後証實明道同王婷萱於去年登記結婚，囝囝剛滿月，由於經歷哥哥一家輕生，故一切低調處理。