【降魔的2.0】馬國明演小馬超入屋 嚇到鄰居小妹妹大叫

撰文:董欣琪
出版:更新:

TVB劇集《降魔的2.0》雖然已經在上星期播出大結局,但依然討論度十足。日前終於開設了個人IG帳號的馬國明,今日(11日)就分享了一件趣事,他自爆偶遇一位鄰居小妹妹,但竟然嚇到對方大叫,原來因為小妹妹將馬明當作是劇中的「小馬」,誤以為馬明有捉妖降魔的異能!

馬國明終於開IG!(IG/ @kennethmkm)

點撃睇馬明Follow嘅人:

+20

馬明在IG寫道:「有1天……我喺屋企樓下大堂遇見1個小妹妹……佢1見到我……指住我 好驚 大叫 亂跳……佢媽媽不停講對唔住……之後隔咗2日……我收到呢封信……小妹妹……請你放心……我已經叫我所有鬼朋友留返喺屋企……佢哋唔敢去嚇你喇……唔使驚……」這位小妹妹在信中稱呼馬明為小馬,先是為自己尖叫而道歉,之後再講自己被嚇到的原因,原來是因為小馬有太多鬼朋友,相當搞笑!

原來小妹妹當正馬明是小馬,因為小馬身邊太多鬼朋友所以好驚。(IG@kennethmkm)
在劇中小馬與豪仔(胡鴻鈞飾)是好朋友。(IG@hubertwu)

點擊下圖睇小馬有幾多鬼朋友:

+34

馬明在劇中飾演的士司機小馬,同時還是一位降魔人,身邊有不少鬼朋友,包括豪仔(胡鴻鈞飾)、啤啤(劉佩玥飾)、莉莉(譚嘉儀飾)等等,Hubert在IG留言:「我搵日去探下佢」,而阿Moon就講笑:「佢見到我會點」。其實小妹妹會被馬明嚇到全因太入戲,可見小馬這個角色相當入屋!去年憑劇集《白色強人》奪得最佳男主角的馬明,早在演出《降魔的》時就被激讚,網民更封他為「民間視帝」,今次馬明再演小馬,一樣大獲好評,有望再登視帝寶座!

小馬身邊有不少鬼朋友,包括啤啤(劉佩玥飾)同莉莉(譚嘉儀飾)。(劇照)

點擊下圖重溫精彩畫面:

+27