【Chill Club】許志安為復出試水溫 趙學而：唔會刻意去問
撰文：吳子生
出版：更新：
趙學而今日（15/6）現身九展出席ViuTV 音樂節目《Chill Club》錄影擔任主持，提起闊別演藝圈14個月的歌手許志安稍後會亮相其音樂節目做嘉賓為復出試水溫，學而表示：「其實我參加《新秀》嘅時候已經識佢，但大家唔係好熟絡，工作上真係好少會碰到，咁所以唔會刻意去講啲乜嘢又或者問啲乜嘢，大家都係上嚟唱歌，專心欣賞佢咁耐冇唱歌，睇下佢演繹佢嘅歌曲會係點啦！」
學而透露未能同安仔同台合唱，心感可惜。（梁碧玲攝）
學而續說：「至於話佢試水溫，我就覺得香港有咁多平台，大家喺唔同嘅平台，作唔同嘅計劃宣傳空間係大咗好多，而我哋嘅節目得到好多媒體及網絡平台上嘅朋友支持，而作為唱片公司，佢哋都理解我哋個節目係比較熱話，所以選擇喺我哋嘅節目亮相，呢個選擇係正常。」
學而覺得安仔選擇到其音樂節目亮相宣傳，做法正確。（梁碧玲攝）
《Chill Club》音樂節目收視不斷創佳績。（梁碧玲攝）