和泉素行留港發展15年 曾放棄做藝人轉行教日文
撰文：賴家杰
出版：更新：
小儀大讚Soko是好男仔。（陳順禎攝）
藝人和泉素行（Soko）最近與小儀組成拍擋，在香港開電視拍攝節目《酒勻全香港》擔任主持，對於能和小儀合作對Soko來說像發夢一樣：「我覺得我級數未去到佢嘅級數，呢個機會對我嚟講好似發夢咁，點解我可以同小儀拍節目呢。依家真係發生呢件事，我會全力以赴做好。」
Soko已經四個月冇返日本。（陳順禎攝）
Soko從日本來了香港發展15年，他表示正常會兩個月回一次日本探望家人，可惜疫情關係不能出境，他的收入亦因疫情大減，「沒辦法，百業蕭條。好彩有少少儲蓄，我岩嚟香港係冇乜儲蓄，我想如果冇哂儲蓄我會返日本。」
Soko演藝事業發展多年，常常會拍一些搞笑影片放在Youtube，在很多Event會看見他擔任主持，逐漸小有名氣。原來他曾經想放棄當藝人這條路，幸好最好也有機會重回娛樂圈，他就：「我啱啱嚟香港嘅時候，香港人好快接受我。我嚟到喺酒吧打工先，我都做過模特兒工作，因為我想做藝人，不過一直冇機會。曾經試過放棄，我當時轉工教人日文，但之後搵到電視台做主持，半隻腳入返娛樂圈，然後慢慢發展到依家。」