【港版N號房】林海峰節目內嬉笑苦主受評擊 小儀：唔好睇得咁緊
撰文：吳子生
出版：更新：
小儀覺得阿Jan無意冒犯任何人。（陳順禎攝）
由林海峰、阮子健及潘小濤主持的商台節目《在晴朗的一天出發》，日前以嬉笑怒罵方式重演「港版N號房」，節目播出後引來各界評擊，認為在事件中受害者傷口上灑鹽，強烈要求商台道歉。今早林海峰於節目內讀道歉聲明後再補多一句：「估唔到事件中第一個道歉嘅係我哋，而唔係主腦阿希。」再次激起民憤，認為他們道歉欠真誠。
小儀今日現身九展出席ViuTV全新直播節目《今晚趁熱食》宣傳造勢活動。（陳順禎攝）
阮小儀今日（19/6）現身九展為節目宣傳時，從記者口中得知上述事態發展，坦言自己從不知情：「首先佢哋呢個節目形式係嬉笑怒罵嘅，咁可能有啲位係嬉笑怒罵式，而大家可能當咗時事新聞咁去睇而嚴重咗，我估係咁，因為我未詳細睇呢段新聞亦冇聽到，因為我要聽到先會去評論。」（林海峰經驗豐富，會否覺得他玩大咗老貓燒鬚？）咁又唔係，我覺阿Jan有啲嘢，可能佢講嗰句說話都可能係講笑嘅，佢係輕鬆地講出嚟啫，唔代表任何嘢嘅，大家都知阿Jan佢係用輕鬆手法去處理事件，希望大家唔好睇得咁緊。」