【地產仔】導演徐梓耀認拍攝手法浮誇:拍嗰陣都知好大機會畀人鬧

撰文:
最後更新日期:

由ViuTV、天下一及寰亞聯合製作、鄧維弼與徐遇安聯合監製、徐梓耀執導的ViuTV新劇《地產仔》,已於周一晚(29/6)首播,正面迎戰無綫新劇《殺手》,播出後評價兩極。

撰文:游大東

導演徐梓耀(後排右四)日前與監製徐遇安以及一眾《地產仔》演員,上星期出席記者會為新劇造勢。(資料圖片)

有觀眾讚情節幽默 有人批評浮誇失實

觀眾看罷首集《地產仔》,有人認為橋段幽默搞笑,也指劇中有很多年輕演員參演,甚有新鮮感,更有人索性將兩套劇的海報比較,計算「主角平均年齡」,發現《殺手》六位演員平均高達42歲,《地產仔》的五人平均歲數只是28,兩者相差16年,有網民在「連登討論區」說:「TBB啲小生,五張嘢都嚟,搵啲三十幾歲嘅女(演員)扮廿零歲,ViuTV先係捧新人。」

不過在ViuTV的facebook專頁的發帖上,亦有不少網民留言批評《地產仔》,有的說「陣大陸劇味好重!」、「本身諗住睇,見到好尷尬,都係不了!」、「導演好一般,啲節奏捉得好差,講少少嘢拖好耐,多重覆同類似嘅對白,唔夠精鍊(煉)!」更多人覺得「浮誇」、「失實」、「沒做捉功課」才是此劇的問題所在。有的說:「我覺太誇張,(最好)現實返少少。另外打風落雨邊會有人補漏水,玻璃膠唧到上面?也有人指:「一啲都唔真實,呢行邊有咁誇張呀?」、「原本預期係貼地,出黎(嚟)效果係浮誇搞笑。」、「有啲角色太漫畫化唔寫實,我係Fans好支持你地(哋)自家製作但唔該比(畀)啲心機。」用詞、語氣都頗為嚴厲。

【地產仔】導演親解創作意念 年輕演員成焦點:男女主角唔存在!

《地產仔》第一集開始沒多久,便出現這一幕兩間地產公司「曬馬」的場面,部份畫面設計和角色動靜頗為浮誇,導演徐梓耀指是刻意為之。(《地產仔》劇照)

導演指製作預算緊絀:兩日半拍一集

對於上述批評,《地產仔》導演徐梓耀回應時承認,今次劇集的呈現方式是刻意浮誇。「係浮誇嘅!其實之前講過,今時今日,如果認真拍《地產仔》,就會係一套悲劇,所以我哋將佢轉咗做一套喜劇,甚至有啲卡通嘅形式去拍,老實講,拍嘅時候,我哋自己(製作團隊)成日都話呢套嘢,好大可能會俾人X到X街,但唔緊要啦,咁嘅時勢冇人知聽日咩世界,開開心心拍咗自己想拍嘅嘢先算。」

至於有些網民直接將《殺手》和《地產仔》相提並論,甚至有人認為「TVB味濃」,徐導笑言「實在太抬舉」,單單製作預算經已沒得比。「TVB有固定嘅演員、場地、資源,甚至某啲劇因為係合拍,有內地市場,令製作預算可以再推高好多,我哋咩都冇,基本上係當佢一套低成本港產片嘅方法去拍攝,我哋每一個景每一件衫每一個演員都係從零開始去搵,50幾日拍咗900分鐘,即係大概10套電影嘅時間,大約每兩日半要拍完一集,條件苛刻過程辛苦,但係我哋開心嘅。」

《地產仔》裏無論角色造型,以至場景及動作設計都相當浮誇,部份觀眾或者不太受落。(《地產仔》劇照)

點擊下列圖輯,欣賞《地產仔》精彩劇照:

+21
+20
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。