女友朱智賢疑被無綫雪藏未有工開 謝東閔:佢近排好好

撰文:吳子生
出版:更新:

謝東閔(Brian)今日(6/7)現身電視城出席無綫劇集《殺手》宣傳造勢活動。Brian透露今套劇集從演以來被人打得最多,「其實我好鍾意呢個角色,因為係好特別又好複雜,當中我與麥明詩會有感情線,但又唔可以講得太多,因為呢個星期我就會亮相,觀眾就會睇到我被人係咁打,唔似得佢哋做殺手咁好打,我只係一下靶位被人打嘅人,不過觀眾同時又會睇到好多動作場面,大家拭目以待。」

謝東閔今日現身電視城出席無綫劇集《殺手》宣傳造勢活動。(陳順禎攝)

講起女友朱智賢最新情況, Brian就話:「佢近排都好好,其實之前記者會要講嘅嘢已經講晒,呢段時間我都會陪住佢,希望大家都好,大家俾正能量大家。(無綫有否通知佢幾時開得工?)我真係唔清楚,你哋都係問返朱朱。」

謝東閔笑言今套劇集,從演以來被人打得最多。(陳順禎攝)