【睇留言】周柏豪狂迷不滿偶像離港 fb留言：看來我結婚生子計劃受阻
撰文：郭敏玲
出版：更新：
柏豪bb病足3個星期，一眾fans都叫偶像快快康復，本來都幾窩心。
周柏豪早前去了海南島三亞觀瀾湖，見到著名籃球員Allen Iverson，當然不放過機會集郵。可能見到偶像太開心，加上又為工作馬不停蹄，柏豪bb終於病倒了，但仍然不忘在fb自拍靚仔樣。不少fans見狀當然叫佢：「早啲休息啦！」、「快啲睇醫生！」之類的貼心說話。不過有位fans疑似對柏豪動了真情，難耐偶像經常出外工作不在港，忍不住連發多個留言：「柏豪啊新聞說你將會離港去拍戲四個月。。。你唔怕我移情別戀嗎？」、「 柏豪你不想跟我一起的，早點揚聲拒絕我，我會盡快找第二個結婚懷孕。」，仲話「以前陳鍵鋒都是這樣。。。。回去了內地，我們便無聯絡。」，講到與柏豪bb關係匪淺，認真耐人尋味。而其他網民見到呢位fans痴心一片，紛紛留言安慰：「柏豪只愛你一個，不會移情別戀，你諗多咗姐！」即刻充滿住暖流與愛。
後來有網民發現，這位fans相當有心，為求有周柏豪就有佢嘅存在，每當偶像一出post都會留言，這種不屈不撓的精神值得我們學習啊！
自拍一post，fans非常緊張柏豪的狀況，同時又擔心與對方聚少離多，看留言就會感受到fans內心掙扎的層次。
在另一段post中，這位fans亦有留言，真的很痴心。