【新冠肺炎】曾參與麥德羅飯聚　蔡一傑發聲明：完全冇見過佢

近日新冠肺炎在香港爆發了第三波，疫情嚴峻，更出現了多個確診群組，致令人心惶惶。昨日娛樂圈亦出現了首位確診的藝人，女歌手施匡翹不幸染疫，而她的其經理人Apple姐，Apple姐男友麥德羅，以及她所屬公司的宣傳人員阿佳亦已確診，現年61歲的麥德羅目前仍在醫院隔離病房留醫。麥德羅在發病前的14日潛伏期期間，曾經和多位藝人到尖沙嘴張公館飲酒飯敍，當中包括有吳卓羲、謝天華、蔡一傑、高鈞賢、鄧建明 (Joey Tang) 以及王秀琳 (Mango)，而蔡一傑今日（19日）亦公開向傳媒報平安：「我睇到段新聞都抓晒頭，事緣係前寶麗金同事生日，我晚上七點就去坐咗一陣間祝賀下畀封利是佢，八點走時見到吳卓羲入嚟，大家開開心心影咗張相我就走嘞，完全冇見過麥德羅同Joey Tang。多謝大家關心，我日日做運動身體健康，最近我都好少出街，得閒就諗下《傑少煮意》有乜新菜式，疫情嚴重大家都要好好保護自己，少啲出街留喺屋企食飯啦！加油！」