《幕後玩家》宣傳片被指太誇 張繼聰：真是宣傳需要
撰文：郭敏玲
出版：更新：
《幕後玩家》一眾演員希望收視可以有40點，阿聰就笑言：「唔好咁多，三十幾點先啦！」（郭敏玲攝）
台慶劇《幕後玩家》今晚終於出街，張繼聰與一眾演員蕭正楠、龔嘉欣、莊思敏、劉佩玥及監製陳維冠等人到西貢飯局睇首播。阿聰表示這餐飯會與監製一起請客，最緊要睇得開心。
張繼聰有近一年時間無劇集出街，所以今次《幕後玩家》成為台慶劇，讓他非常期待，「對上一套劇集已經是《收規華》了，今次拍劇同台前幕後都合作得很愉快，又因為此劇與Bosco（黃宗澤）成為了好朋友，所有嘢大家都做得好好，所以都好期待出街後觀眾的反應。」
張繼聰與蕭正楠雖然各有各忙，見到老友都彼此打招呼，傾兩句先。（郭敏玲攝）
張繼聰希望觀眾鍾意套劇，因為劇本真係好好。（郭敏玲攝）
不過劇集早前推出宣傳片就被指不符事實，張繼聰就話：「套劇有成35集，但宣傳片得幾十秒。條片有一部分係劇情，另一部分是宣傳需要，都要觀眾睇到第一集再去判斷。」問他在劇中會否有宣傳片的激咀場面，他指自己角色很正常，但有冇咀戲不是重點，「套戲講得更加的是人性與兄弟情，當然觀眾想focus甚麼就控制不到了。」談到激咀，張繼聰話老婆謝安琪不介意，「都係做嘢啫，以前做舞台劇好多時都有這些場面。」