內地劇集受禁令影響主打改編小說 迪麗熱巴、楊幂新作隨時打對台

撰文:鄺鈺瑩
出版:更新:

早前有傳出內地廣電總局又有新「禁令」,而且渉及範圍極廣,除了愛情劇不能太過甜蜜,還有校園青春劇不能有早戀、歷史劇不能改變結局,亦不能有腐敗的價值觀。而所有現實題材禁止拍社會黑暗面,要拍正常人美好生活,有關同性戀的題材點到即止,要轉為友情……或者係因為禁令嘅原因,騰訊視頻日前喺上海舉行嘅發佈會上,唔少即將播出嘅劇集都屬於改編原著小說。

+5

喺發怖會上,以迪麗熱巴同吳磊主演嘅《長歌行》最令劇迷期待。劇集改編同名漫畫,講述唐朝永寧郡主李長歌(迪麗熱巴)因宮變失去血親後,以女扮男裝嘅身份逃亡並為家人復仇。《長歌行》漫畫原著本身就具有非常大的熱度,有不少人稱它為「國漫之光」,女主角雖然經歷過各種巨大的坎坷與磨難之後,依然心繫國家,難怪唔少網民都表示期待。

楊冪、陳偉霆於《斛珠夫人》再次合作。(微博照片)
+1

同樣係古網兼改編原著小說嘅,仲有楊冪、陳偉霆主演嘅《斛珠夫人》。故事講述楊冪嘅村落居民遭屠戮,她在女扮男裝時逃亡時遇上了大徵權臣陳偉霆,並成為其徒弟,二人漸漸愛上對方之際,卻出現了大徵皇帝呢位情敵……楊冪、陳偉霆早在《古劍奇譚》合作,加上劇中飾演皇帝嘅徐開騁之前憑《奈何BOSS要娶我》而吸納不少粉絲,所以早在《斛珠夫人》官宣角色時,劇迷都一致睇好。

唐嫣同佘詩曼於劇飾演姐妹,雖然佘詩曼係女二,但網民期待佢多於一切。
+6

產後復出嘅唐嫣,其古裝劇《燕雲台》講述燕國公主嘅傳奇一生。不過去年預告片公開後,唐嫣木無表情嘅演技即遭網民批評,反觀同劇的「女二」佘詩曼凍齡有術,加上《延禧攻略》嘅餘威,令網民更為期待佘詩曼嘅演出。

紅到發紫嘅王一博,所有嘅演出都被睇高一線。
+5

同樣係產後復出嘅仲有趙麗穎,喺《有翡》中搭檔《陳情令》爆紅小生王一博。二人雖然相差十歲,但在預告片中完全感受不到,劇中趙麗穎有唔少動作場面,但打起上嚟絕對唔拖泥帶水。該劇改編Priest小說《有匪》,講述趙麗穎13歲那年離家出走,一次危急時刻被端王謝允(王一博 飾)救下,兩人緣分就此展開,3年後再次相遇,周翡以「破雪刀」之招數名震江湖,2人並肩闖蕩。

AngelaBaby喺《摩天大樓》中係特別演出,好賣力。