【深宮計】羅霖廿年後重返無綫：提起都覺得暴露年齡
撰文：郭敏玲
出版：更新：
今日為劇集拍攝宣傳片的羅霖一身性感打扮，搶晒鏡。（郭敏玲攝）
羅霖與陳煒為2017年TVB劇集《深宮計》拍攝宣傳片。羅霖與陳煒以前在亞視有合作過，今次在TVB再合作，兩人都覺得見返對方會有很多回憶，知道要合作好興奮。至於羅霖自《真情》後，事隔近20年再回到TVB，她笑言：「提起都覺得會暴露年齡。」
陳煒今次在劇中飾演太平公主，無得服侍做皇帝的馬仔。（郭敏玲攝）
問到有甚麼條件會打動到羅霖接拍《深宮計》？羅霖表示：「其實我都掙扎好耐，大大話要拍成6個月，咁小朋友點算？但公司又難得有咁好機會，以前嘅我會揀愛情，而家嘅我反而會揀返事業。」羅霖提到如何照顧囝囝，就話會媽媽辛苦少少，幫忙照顧。
講到現在會選擇事業，羅霖就話現實無愛情，唯有在劇集內談情，問到會否要求監製梅小青加與男主角對手戲份，她笑言：「又唔敢！留返畀小青決定啦！」有傳聞指劇集會有很多出浴鏡頭及性感場面，兩人不約而同地說：「無乜嘢嘅！又唔會成日沖涼！」又指劇集背景是唐朝，服裝有點性感很正常，兩人都相信劇集拍出來會很好，「小青姐會將效果變得好唯美，加上不同服裝風格好鮮明，一定會好靚。」
兩人久未合作，再合作就拍鉅製，諗起都覺得開心。（郭敏玲攝）