【球場女神】陳嘉莉變身最美門將 網民：好想邀請她守龍門
撰文：林通賢
出版：更新：
石地球場出現美女已經罕有，還要幫人守龍門，難怪一眾波牛在網上瘋狂。
陳嘉莉上年和金秀賢拍廣告。
足球從來都是男人的浪漫，尤其是香港石地球場，好像女人禁地一樣，任何雌性動物走過，都被一眾男士行注目禮，昨日在香港勁揪facebook專頁，竟然有段偷拍片，拍到一個長髮馬尾美少女，在石硤尾偉智街石地球場守龍門，女子出現已經神奇，今次更是美女，當然迅即令不少波牛瘋狂，網友不停留言，幻想邀請美女為其守龍門，又話想挑戰她的把關技術，其實這位美女門將是23歲陳嘉莉(Kelly)，是周秀娜的師妹，本身亦非常好動，跟了向栢榮打泰拳幾年了，11月還會上台打比賽，不單止波牛看得上，就連不少廣告商都欣賞Kelly，上年飛去韓國同金秀賢拍廣告，絕對不簡單。而Kelly曾經同崔建邦拍拖，不過分手時都沒有什麼不快事件，可能因為Kelly都好打得啦。Kelly就以WhatsApp回應，她說:「因為朋友踢波，咁啱爭一個人，之前都有叫佢哋踢波叫埋我嘅，啲隊友都幾就住我，問我驚唔驚食波餅，咁就安排我守龍，平時學泰拳，都有學捱打，所以唔驚波「散」，我仲可以練下反應添，其實我由中學開始已經鍾意睇世界杯，我係好鍾意美斯。」
陳嘉莉熱愛運動，除了足球，亦愛泰拳和瑜伽。（Instagram圖片）
Kelly熱愛運動，ig有泳裝是常識。（Instagram圖片）
陳嘉莉instagram經常淡妝自拍。(Instagram圖片)