陳豪宣布老婆陳茵媺封肚：下年時間表好密
撰文：林通賢
出版：更新：
陳豪和太太陳茵媺剛從意大利回來，他表示要獎勵一下太太。（林通賢攝）
楊秀惠在《來》劇經常色誘陳豪，不少網民讚她俾主角更搶鏡。（林通賢攝）
《來自喵喵星的妳》今日到荃灣一間貓café宣傳，男主角陳豪同太太陳茵媺剛從意大利旅行回來，為了這次旅行陳豪原來撻訂了兩次才成行，他說：「之前有兩次畀晒錢，諗住去喇，都因為一啲事去唔到，錢事少，但我好想同太太旅行，因為佢照顧成個家庭其實好辛苦，今次就到時間，就一定要去，期間當然好掛住啲小朋友啦，（會不會旅行之後又生多一個？）哈哈，不會了，我夠喇。而且下年嘅時間表好密，因為要同歐陽震華、張繼聰、阿田開套50集長劇，依家又拍緊《使徒行者2》，所以今次去完都唔知幾時再得閒去。」
而今次《來自喵喵星的妳》不少網友都大讚飾演Natasha的楊秀惠，尤其她在劇中不斷誘惑陳豪，但原來她初時亦擔心網友反感，她說：「我初時都驚，因為個角色都幾衰，但發覺大家對我嘅評價都好正面，最開心有人讚我廣東話進步咗，因為拍《姊妹淘》三年所以練好，當然仲要繼續進步啦，亦好多謝監製徐正康發現我低能嘅一面，但我可以做好Natasha呢個角色。」
田蕊妮和胡定欣今日亦有出席宣傳，阿田亦想同老公杜汶澤去旅行，但因為他正忙拍電影《空手道》所以未能成事。（林通賢攝）