陸永首次拍劇擔正 收劇本懷疑選錯人：簡介寫我外表極其俊朗
撰文：賴家杰
出版：更新：
陸永首次擔任劇集《智能愛（AI）人》的男主角，今天（25日）他出席拜神儀式，他說：「唔好話男唔男一，我覺得呢套戲男角色係有，但其實冇話男唔男主角。其實只有女主角，就係Ali（李佳芯）。之後劇情都發展得好離譜，係Ali同馮盈盈爭我，但大家留意，佢哋爭我嘅過程，我唔會出現，基本上主要係佢哋嘅戲。」
陸永首次做主角。（賴家杰攝）
這是陸永演出劇集以來最多戲份的一部劇集，「其實我都係平時咁演，我就算演配角，我都當係主角咁做，總之做好佢。」他笑言對這次選角的事抱住懷疑態度：「我一收到劇本，個簡介係寫個男仔外表極其俊朗，我都好大疑問。除咗俊朗我唔係，其他部份都可以。」
今次二人好多對手戲。（賴家杰攝）
不過第一次演男主角，他坦言不會感到壓力：「係要努力就真，努力做好佢，冇話你多啲戲份先做好佢。同埋我呢類綠葉類演員係會襯托出人哋幾好，咁好彩啦，今次有Ali畀我去襯托人，希望可以襯托到呢位鮮花。」
+1