【又走一件】沈震軒正式約滿 離巢無綫全力北上搵真銀

撰文:
最後更新日期:

9月講到11月,沈震軒終於為自己動向開估,暗示未來在內地積極發展。

9月已經預告自己11月約滿TVB的沈震軒(Sammy),幾個月來密密到內地拍劇搵真銀,人氣亦因此而急升,似乎向外闖一闖,前途反而更加光明。不過,完約之後又有甚麼詳細發展?沈震軒當時大賣關子,講明11月一到,大家就知咩事,似乎好神秘。時間好似幫沈震軒倒數,踏入11月1日,他的確非常準時,在社交平台上載相片,交代最新去向。原來沈震軒現在身處內地,拍攝深圳電影《風不止》。望真張相,見到沈震軒坐在劇組人員隔離睇playback,睇到個背影都覺認真。

早前33歲沈震軒在內地拍過劇集《你好喬安》試水溫後,反應不俗;加上約滿第一炮就有電影拍,同戲還有譚耀文、盧惠光等香港班底演出,聽落又好似幾好。沈震軒之前亦坦言內地酬勞豐厚,與香港有點差別,所以沈震軒在貼文中講到:「十年一轉變。今天正式約滿離開TVB。感恩我的演藝事業從電視台開始。期待在不久的將來再次合作。」雖然感激TVB,但同時暗示心意已決,皆因沈震軒講過:「本身事業心好重,由訓練班出身,一步一步向前行,所得到的一切,都是由自己爭取,如果沒有野心,好難在這行生存。」立定決心向外闖一闖,嘗試更多新事物,期望在電影方面積極發展。

 

雖然沈震軒之前形象比較花心,但憑著他靚仔的外形,在內地發展應該都幾剎食。(資料圖片)

早前沈震軒在內地拍劇《你好喬安》做大反派,可能入型入格,反應都唔錯。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。