被爆同朱敏瀚舊愛拍拖 馬貫東否認女友是富家女:報導上好多出入

撰文:吳子生
出版:更新:

馬貫東早前憑演患有亞氏保加症醫生一角成功入屋,人氣火速急升。而日前更被揭與朱敏瀚舊愛蘇詠童(Christy)拍拖,而女友Christy在IG私人賬戶中高調曬恩愛,貼出同馬貫東共築愛巢邊抹窗溫馨片,雙方同居關係不攻自破。

馬貫東大讚女友性格純品。(梁碧玲攝)

今日(7/9)馬貫東出席活動時,接受《香港01》訪問直認拍拖中,「其實我同佢都係啱啱開始,自己都想感情低調啲,而女友貼個張相,可以話係一個小意外,因為嗰個賬戶裡面每個都係好朋友,佢估唔到有啲朋友會對外放料。(女友有冇唔開心?)等佢沈澱下先,佢唔開心就一定會有,始終佢都唔係呢一行,要佢受到呢一類型嘅型嘅壓力,真係需要時間適應。」

有指女友Christy是富家獨生女既是老闆娘經營美容院,馬貫東表示:「其實報道上有好多出入,首先佢唔係富貴女,而佢係一個好普通嘅女仔嚟,希望大家唔好對個篇報道太認真。」

馬貫東澄清女友不是富家女。(梁碧玲攝)
+1