林子博太太病情反覆苦無對策 飛台尋希望:搵到1種免疫細胞治療

撰文:洪曉璇
出版:更新:

林子博呢日喺香港開電視節目《大叔要變身》向排舞師Sunny Wong拜師學藝,原來子博囡囡林詖渝係Sunny Wong徒弟,子博笑言:「如果我今日拜埋師,咪變左係我個女個師弟囉?好奇怪呀!」子博指女兒醉心跳舞,平時幫個女拍片仲會陪跳:「佢會捉埋我跳架,如果我唔跳,佢會覺得呢個阿爸咁娘、咁脫節架咁,為左同個女無隔膜,我咪跳埋一份囉!」

林子博呢日同鄺芷凡,喺香港開電視節目《大叔要變身》向排舞師Sunny Wong拜師學藝。

子博對太太董燕君Shirley照顧無微不至,提到太太病情反覆,而香港主流治療已經無任何對策,子博透露:「我哋喺台灣搵到1種免疫細胞治療,依家等緊台灣通知,佢哋一話OK,我就即刻帶老婆飛過去!」Sunny Wong對排舞室可以重開感到高興,更加期望演唱會可以復辦,畀所有待業舞者能重返舞台工作。

林子博囡囡林詠渝係SUNNY WONG徒弟。
+24