反黑路人甲｜馮盈盈劇透王浩信情歸何處：有一個完美結局
撰文：賴家杰
出版：更新：
眾演員爭取宣傳機會。（梁碧玲攝）
劇集《反黑路人甲》將踏入結局週，馮盈盈在劇中的表現一直不聰明，到了結局週她笑言終於可以聰明一次：「劇裡面我兩個卧底唔聽我話，上司又設計陷害我，阿爸又呃我，我可以話係一個悲情人物。嚟近最後一個禮拜，終於可以平反，會拎返聰明才智出嚟去查案同搵出真相，真相都會令佢傷心欲絕，不過都會有一個完美結局。」
另外劇中王浩信情歸何處一直都被網友討論，而盈盈說會有一個完美結局，莫非是暗示浩信最終選擇的是她？「我已經劇透咗好多，聽唔聽到我話最後結局係圓滿，但浩信最後情定何處呢？我又冇咁講過，真係要睇到最後先知。」馮盈盈說。
盈盈好努力學做戲，令自己演技更加進步。（梁碧玲攝）
接近完結，盈盈每一晚都有追看自己劇中的表演，她評價自己的分數，一至十分，盈盈直言只有五分：「不過不失，五分合格。我會保留中性啲，我覺得好多時候網民都會畀好同唔好評價，同時都會畀到推動力我去進步。」
點擊睇活動更多靚相！
+8
點擊下圖看更多盈盈的美照！！
+22