蕭徽勇傳11月約滿TVB IG露玄機:最後一個角色

撰文:洪曉璇
出版:更新:
蕭徽勇於《十八年後的終極告白》中飾演李強。(影片截圖)

蕭徽勇近年喺唔少劇集都有所發揮,《十八年後的終極告白》鬼仔強、《降魔的2.0》的士司機黃志龍等,佢亦一直有喺TVB配音組工作,呢日傳出佢11月將跟TVB約滿,蕭徽勇亦喺IG留言透露玄機。

蕭徽勇減肥前後的確好大分別,(左圖)當時2百幾磅,瘦了身之後成個靚仔哂。

2005年加入兒童節目《放學ICU》,一直做到節目終結轉往戲劇及配音組雙線發展,蕭徽勇近年因為斷食法減肥減近70磅而令人注目。呢日佢喺IG貼出內地劇《錦繡南歌》劇照留言話:「可能係我喺TVB配音組聲演嘅最後一個角色,你唔係唔睇吖嘛?」同時標籤「#配音完」有指蕭徽勇11月約滿TVB,有機會離巢,不過佢回覆傳媒時只表示「暫時無可奉告」未有否認。

蕭徽勇於IG暗示將離開TVB配音組。(IG:@Gordon.siu)
你可能感興趣