【抗疫音樂會】鄭丹瑞被導演要求展歌喉 ：佢真識貨！
撰文：吳子生
出版：更新：
音樂劇《我們的青春日誌》導演陳恩碩，鄭丹瑞及陳潔靈今日出席抗疫音樂會宣傳造勢活動。（陳順禎攝）
鄭丹瑞（旦哥）今日（15/9）現身柴灣出席音樂劇《我們的青春日誌》抗疫音樂會宣傳造勢活動。旦哥大讚音樂劇導演陳恩碩年輕有為，「因為疫情關係撐唔到落去，佢哋解散咗自己嘅音樂劇團隊，但佢自知團隊嘅人仲好有心繼續做落去，於是佢好想籌錢去幫呢一班嘅人，就打電話俾我，問我可唔可以幫手，咁我就幫佢哋諗到不如搞個音樂會，不過佢一開聲就要我唱歌，於是我一聽落去，佢真係識貨，因為全香港嘅音樂人睇唔到鄭丹瑞識唱歌，佢竟然睇到，佢真係好嘢!」
旦哥大讚音樂劇導演陳恩碩年輕有為。（陳順禎攝）