88歲胡楓患黃斑病變:發現自己睇嘢歪歪曲曲!

撰文:
最後更新日期:

胡楓透露自己原來患上黃斑病變

88歲的胡楓一向健康又精靈 ,但周三(9月16日)出席活動「香港眼科學會單眼檢查大行動」時,卻透露自己原來患上黃斑病變 ,令視力大打折扣,要接受手術治療,「我發現自己睇嘢歪歪曲曲,其實我都唔記得幾耐,咁樣就係有黃斑病變,呢種病有分濕同乾,乾都OK,但濕可以致盲,不過唔理佢的話,乾又可以變濕,多數都係上咗年紀嘅人患上。」

修哥視力出現問題,幸好他表示身健檢查報告顯示「十分靚仔」,修哥笑說:「係聽覺有少少問題,最好就戴耳機啦,不過我又唔係好習慣戴,所以就要好留神,不過冇辦法,年紀大咗就係咁。所以最緊要多做運動!」對於下年即將舉行的演唱會,修哥則表示未有太多計劃:「因為我張人情咭已經碌到爆晒,連張咭都唔見埋咁滯,所以暫時冇諗呢個問題囉!不過若果我休息就唔係幾好現象啦,所以我係永不言休嘅!」

修哥自言永不言休!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。