馬國明自由出入湯洛雯寓所 否認升呢做男主人:成日上佢屋企食飯

撰文:吳子生
出版:更新:

馬國明今日(17/9)現身將軍澳電視城出席無綫新劇《C9特工》宣傳造勢活動,劇集下周一首播。馬明表示:「雖然呢部劇係一部小品作品,其實我好鍾意,劇本你會覺得好輕鬆,有啲位大家會覺得好笑,而且笑中有淚。」馬明又指今次同高海寧合作首次做情侶感覺超新鮮。

馬國明同高海寧首次合演做情侶。(陳順禎攝)

提到手持女友湯洛雯紅磡寓所匙卡自由出入,升呢做「男主人」。馬明笑言:「其實我好多時候成日都會上佢屋企食飯,而且佢都有嚟我屋企食飯,就當然唔係報道所講我係男主人,因為人哋一家大細都喺度㗎。(結婚後會否同埋媽咪住?)未諗住,到時再諗,又或者同媽咪距離唔好住得太遠啦!你都知香港樓價幾貴,如果又要同我阿爸,我家姐一齊住,就要好有錢買一間好大嘅屋先得。」

+2