譚炳文設靈｜薛家燕極度傷心：有啲遺憾，去唔到醫院向佢問安

譚炳文逝世，今日在紅磡世界殯儀館世界堂設靈，曾經同炳哥合作無間的薛家燕亦到場，炳哥生前亦經常上薛家燕主持的節目《流行經典50周年》，對於炳哥的離世，家燕姐非常傷心，訪問時亦哽咽：「知道炳哥走咗，初初真係好唔捨得，但經過呢兩個星期，我感覺.....就係......炳哥都可以話係笑喪，同埋佢囡囡同我講炳哥去得好安詳，我只係感到有啲遺憾，自己冇去醫院向佢問安，我講咗好多幾次話，我想嚟探你，但因為個疫情，醫院都唔俾我哋去，所以我覺得好遺憾，但佢好叫我哋唔駛擔心，佢仲好堅強，話自己無事嘅，仲話出返嚟大家再傾偈啦，佢冇話畀我聽咩事，佢只係話做檢查，佢仲話遲啲同我哋問安，因為佢每日都send 啲信息俾我哋，我就話唔哂客氣，所以嗰日我哋好突然，好難過，佢個女話我聽，我即刻喊，不過我喺到諗，炳哥而家去咗個極樂嘅世界，佢都去得好安詳，炳哥喺演藝界貢顯好多，佢嘅笑聲，同埋獨特嘅聲音，永遠喺我哋心坎裏頭。」譚炳文出殯｜致哀花牌滿靈堂　李香琴、黑妹李麗霞位置最當眼

場內紀念特刊：