徐小鳳無懼被踩 亂爆林子祥大鑊
撰文：溫菁莉
出版：更新：
徐小鳳在台上表示，演唱會期間看到阿Lam年輕時照片，終能引證林德信是對方所生，令阿Lam哭笑不得。
林子祥（阿Lam）一連四場於紅館舉行的《林子祥佐治地球40周年演唱會》昨晚舉行最後一場，除了每日出現的太太葉蒨文及囝囝林德信外，尾場還請來分量十足的好友徐小鳳擔任特別嘉賓。小鳳姐一身白色晚裝高貴現身，更在台上大放笑彈！
阿Lam作狀踩小鳳姐裙，豈料小鳳「神回」對方：「我俾人踩慣！」
小鳳姐甫出場，便與阿Lam邊行邊唱《在水中央》，期間阿Lam作狀不斷踩小鳳姐的拖地晚裝裙，小鳳姐竟笑言自己是「香港小姐」：「我習慣俾人踩，但香港人特別經得起風浪，香港是一個最大方，最包容的地方。因為無論富或貧，都一一收晒。我係香港人，我好鍾意香港，我係地地道道嘅香港小姐。」
徐小鳳十分慷慨，着阿Lam錫完左邊錫右邊。
看舊照解謎團
小鳳姐大讚演唱會好睇，更笑謂解開疑問：「因為可以睇到好多以前他的舊照，原來你無剃鬍子的樣子就是你個仔個樣，你真係好似你個仔！」令全場觀眾爆笑。
之後，小鳳姐繼續爆料，指是次願意擔任對方個唱嘉賓，全因阿Lam對她說了一番話：「阿Lam話一生中有三個女人最重要，第一是母親、第二是莎莉，另一個你知道啦……」阿Lam一度口啞啞，小鳳即解圍說：「我當然識做啦，自動埋位啦！」全場爆笑，在旁的阿Lam卻哭笑不得。兩人隨即就合唱當年阿Lam寫給她的經典歌曲《星光的背影》，小鳳姐最後還大爆：「當年錄這首歌我會想着阿Lam，但每次學他唱歌就唱到哮喘，所以阿Lam只得一個。」
阿Lam出動太太葉蒨文及兒子林德信，大談家庭軼事。
完成香港個唱，阿Lam還會到世界各地巡演。（溫菁莉攝）
演唱會感觸大
演唱會完成後，阿Lam率領一眾勞苦功高的台前幕後包括葉蒨文及林德信等出席慶功宴。阿Lam表示今次舉行40周年演唱會感受很深，全因在台上獻歌給三位好友：「因為他們過去每次演唱會都有份參與，但可惜未能和我度過40周年。」
其後，阿Lam透露完成港騷後，他將到美加、新加坡和澳門等各地巡迴再唱。
阿Lam出席演唱會慶功宴，跟台前幕後狂歡一晚。