【吃掉前男友】莊韻澄重提前度落淚:未試過有男友係有咁多外遇!

撰文:吳子生
出版:更新:

ViuTV全新節目《吃掉前男友》將於下周一晚(5日)起,逢星期一至五晚上11時正播映。節目由莊韻澄(Xenia,前名莊端兒)、張惠雅(Regen)、張蔓姿(Gigi)、張蔓莎(Sabrina) 及蔡寶欣(Pony)化身為民宿主人,合力推行「姑婆主題體驗」,廣邀不同年齡身份的女嘉賓前來作客。主持會根據嘉賓與前度的經歷,炮製不同的「前度菜」。究竟嘉賓們品嘗過後,會期盼下一段關係或是依然故我繼續單身快樂?

莊韻澄重提前度落淚:「未試過有男友係有咁多外遇」。

而首集莊韻澄會在眾人面前剖白與前度分手的原因,更一度哽咽落淚指從未試過有男朋友有那麼多外遇。她更憶述指第一次發現男方出軌後,經雙方溝通過後,男方的確有改善。但後來的第二次出軌事件,莊韻澄指自己是透過記者口中得知。她表示不想落得互數對方不是的局面,於是抱着幫對方說最後一次大話的心態:「嗰陣我同佢講呢個係我最後一樣可以幫你既嘢,你想我點回應記者?」豈料,男方竟開心地指「咁你話我哋分咗手喇﹗咁咪唔算偷食囉」,令莊韻澄傷心嬲爆。

莊韻澄續指當時自己飽受情傷,再加上需要動手術,而一度陷入抑鬱和萌起輕生的念頭。她感激幸有媽媽的陪伴,才能捱得過。莊韻澄笑言與前度的經歷是人生中十分好的一課。她指以前的自己是「為仔生,為仔亡」,現在則覺得家人才是最重要。

Xenia指當時自己飽受情傷,再加上需要動手術,而一度陷入抑鬱和萌起輕生的念頭。
+21