亞視21年前「經典」月曆出土 田蕊妮：點解嗰陣會梳個咁嘅髮型！
撰文：洪曉璇
出版：更新：
早幾日亞視（ATV）喺Facebook專頁貼出1999年亞視藝員月曆，雖然幾位女藝人文頌嫻、楊恭如、陳煒等都冇乜點走樣，但一眾藝員造型髮型同Pose都實在經典。田蕊妮呢日亦不禁貼出當年同陳展鵬嘅經典合照自嘲，回應拍檔陳展鵬經典Pose更為啜核令人捧腹大笑。
點擊下圖觀看上世紀末的亞視藝員月曆：
+8
田蕊妮留言話：「啱啱做完嘢收到幾個朋友send咗呢張相比（畀）我！根據非正式統計， 呢張相每隔兩三年就會係網上出現 ！每次都會有人send比（畀）我再加幾個🤣🤣🤣emoji﹗而我每次收到都會問自己點解嗰陣時會梳個咁嘅髮型！ #那來的自信#年輕時做錯事系列」同為亞視舊同事嘅林子博笑言：「後面位仁兄「搶戲」好多～」田蕊妮抵死回應：「我企前面唔知後面嗰個做緊咩架﹗」
田蕊妮笑言隔三兩年就俾人翻炒呢張相：「每次收到都會問自己㸃解嗰陣時會梳個咁嘅髮型！ 」（田蕊妮facebook）
林子博同田蕊妮嘅對話相當啜核﹗（田蕊妮facebook）