黎瑞恩被人激親「生蛇上眼」留疤痕：睇落幾有煞氣
撰文：吳子生
出版：更新：
早前黎瑞恩突然「生蛇上眼」，導致眉心近眼位置佈滿水泡，又紅又腫苦不堪言。（葉志明攝）
黎瑞恩（小恩子）今晚（9/10）現身九龍灣出席微電影《骨肉香》慶功特別放映會。提到早前「生蛇上眼」幾乎毁容，小恩子表示：「其實而家好番啦，因為傷及神經所以而家嗰個位就冇乜知覺，醫生都話有機會復發，所以要長期保持心境開朗先得。其實我記得我生嘅時候，係俾人激親，突然之間好嬲，可能個免疫力即刻差咗就有發。（咩事激親你？）咩事就唔講啦，不過件事已經放低咗，所以之後都要小心，唔好俾啲突如其來嘅事激親，要保持心境開朗。雖然而家有疤痕，但睇落都幾有煞氣，我Ok呀！」
黎瑞恩今晚出席微電影《骨肉香》慶功特別放映會。（葉志明攝）
由鮑起靜、黎瑞恩主演的微電影《骨肉香》勇奪四個獎項，揚威海外電影節。（葉志明攝）