【特朗普當選】陳法拉美國現場報道：我係支持希拉里
撰文：蘇國豪
出版：更新：
陳法拉希望美國有第一位女總統出現，又指出美國大選不但是美國人的事，關係到全球。（網上圖片）
美國總統大選受到全球關注，結果特朗普爆冷勝出。身為美籍華人的陳法拉，目前正身在當地不但看着選舉過程，更急不及待在Facebook開Live同大家跟進大選情況，原來她對於選情十分關注：「我依家在等大選結果，啱啱落堂，所有人都好緊張，依家十點鐘左右，仲有幾個州未公佈結果。」現場所見，有非常多人士聚集，大家關注報道了解選情。
然而，原來不講不知，陳法拉是希拉里的支持者：「邊個講Trump，我打爆你，好緊張，因為估唔到原來有好多個州其實都覺得幾有希望希拉里會贏的，竟然都輸咗，所以依家啱啱係一半一半，咁我都希望美國有第一位女總統，我無辦法同意Donald Trump講嘅嘢喇，所以我係支持希拉里嘅。」一直在現場等候結果的法拉十分緊張，又指出美國大選不但是美國人的事，更關係到全球：「如果你哋都關心政治，唔止係一個國家的事，美國大選都影響其他國際政治，因為美國係一個經濟上同埋軍隊上，好影響其他國家，所以全世界大家好關心呢件事。」
法拉又指人人都對這件事好緊張，描述當地情況：「今日頭先搭車過嚟，啱啱喺Time Square其實都好多人，大家都好緊張等，好緊張，希望希拉里可以贏。」最後又再三講到希拉里：「如果support希拉里就畀個手指我哋。」又講到，當地時間十點，有幾個州因為時差關係，票站就打開先，得知結果一刻，現場呼聲四起，法拉在旁一直呼叫着「好緊張」，真是只聽都感受到現場氣氛啊！