暖男爸爸︱劉江與鄭中基對手戲曝光 講血統論勁Mean仲爆埋粗

撰文:邱愛霖
出版:更新:

今年九月尾ViuTV宣布連續推出三套原創電視劇,分別是《熟女強人》、《暖男爸爸》、《男排女將》,《暖男爸爸》(簡稱:《暖》劇)承接《熟女強人》播映時段,即將在10月26日開播,由鄭中基(Ronald)和張可頤(Maggie)領銜主演。

ViuTV壓軸劇對撼《使徒3》 11月底首播「終極皇牌」唔係鄭中基?

《暖男爸爸》講述由鄭中基飾演的四十歲單親爸爸阿榮,因妻子意外逝世而需獨立照顧兒子。新劇將於10月26日首播。

《暖男爸爸》講述由鄭中基飾演的四十歲單親爸爸阿榮,因妻子意外逝世而需獨立照顧兒子,之後又因妻子購買的保險遇上了保險顧問芷明(張可頤飾),兩人展開一段友誼。

ViuTV日前率先在Facebook專頁公開《暖男爸爸》預告片。觀眾除了能夠期待Ronald和Maggie相隔20年的再度合作之外,戲中飾演Ronald爸爸的劉江竟然會爆粗。劉江在戲中mean爆同Ronald講:「做人同跑馬一樣,所有嘢都要睇血統、睇命水,啲X街DNA生個仔梗係X街㗎啦!」言辭非常犀利。

劉江在80年代曾參演麗的電視出品的電視劇《人在江湖》、飾演黑社會大佬「波哥」。(影片截圖)

《暖》劇導演戚家基接受《香港01》訪問,指劉江在戲中的角色名叫「波哥」,與80年代麗的電視出品的電視劇《人在江湖》、同由劉江飾演的黑社會大佬「宋波」同名。他解釋,之所以找劉江的最大原因正正是希望劉江重演「老版波哥」,「第一次劉江嚟聽故仔,我就話:『你唔使㗎啦!你就做波哥,記唔記得?』佢就話:『梗係記得!』我就話:『我係exactly要呢樣嘢,不過係老咗嘅。』」他更笑言《人在江湖》是「波哥前傳」,《暖》劇則是波哥續集。而劉江得知可以重演「波哥」大感高興,戚家基笑指:「難得有人記得,佢咪好happy囉!」

戚家基認為劉江的確有黑社會大佬的霸氣,神態外表亦和Ronald有幾分相似,故力邀劉江飾演這個角色。(資料圖片)

另外,戚家基認為劉江的確有黑社會大佬的霸氣,神態外表亦和Ronald有幾分相似,故這個角色的確是為劉江度身設計而成。

【暖男爸爸】張可頤暗示ViuTV工作環境比TVB好:唔慣咁多時間休息

【暖男爸爸】鄭中基曾擔心體力難應付 感激大仔照顧:我唔捨得佢

+7