陳百祥獲銅紫荊星章感覺普通獎勵:等於曾志偉、譚詠麟攞影帝

撰文:賴家杰
出版:更新:
叻哥覺得這次獲獎用平常心看待。(賴家杰攝)

早前陳百祥(叻哥)獲頒銅紫荊星章,今天(14日)出席活動時候,叻哥說:「授勛就係遲啲嘅事,我覺得呢件事係隨遇而安,我都係土生土長係香港人,做返我自己本份嘅事,咁特區政府認同我做嘅事同畀呢個獎我,咁我緊係開心同榮幸。」

叻哥覺得這次是普通獎勵。(賴家杰攝)

叻哥獲得這個獎項時候,在網上有不同聲音,有恭喜,有批評,認為他憑什麼可以獲獎,他說:「第一,我唔係好睇網上嘢,我成日都話隨遇而安,每個人都有自己嘅諗法,我從來都唔會理人諗法,我都唔會因為別人諗法去做我任何事,我係一個完全自我中心嘅人,我完全覺得啱嘅嘢會去做,唔啱嘅嘢我就啱會去做,我都完全唔介意別人點睇,(攞獎算唔算係人生最大成就?)咁又唔會,我覺得係一個好普通嘅獎勵,等於曾志偉、譚詠麟攞影帝,你覺得佢地攞完之後,會唔會覺得自己演技好過哂所有人呢?今次大約600幾人攞,唔係好特別啫,但對我嚟講就特別啫。」

你可能感興趣