【木棘証人】羅仲謙預告太太楊怡強勢回歸幕前：佢下半年復出

羅仲謙（謙仔）今日（15/10）現身將軍澳電視城出席首部「回巢」劇集《木棘証人》的宣傳造勢活動。對於劇集往後收視如何，謙仔表示：「其實呢一套係警匪喜劇片，只係希望大家可以喺屋企一齊睇下笑下輕鬆下，自己就冇預期收視會係點，只要大家嘅反應係覺得好笑，咁樣我已經心滿意足。」被問到太太會否復出拍劇，謙仔表示：「其實佢拍戲個心癮一直都存在，我諗而家對個小朋友嚟講家庭係好重要，所以我諗佢應該會喺下半年復出，但都要睇吓係拍劇，定係拍其他嘢。」