方力申憶入娛圈初期難適應 常被人誤會囂張:「寸」因為我少講嘢

撰文:吳子生
出版:更新:

方力申(小方)今晚(21/10)以退役運動員學長身份現身銅鑼灣出席《香港運動員就業及教育計劃嘉計典禮》。

小方透露由運動員身份加入娛樂圈初頭難而適應,常被人誤會態度囂張寸嘴,「因為自己本身係運動員關係,通常訓練嘅時候都係一個人練,所以好少同人去溝通。當我入咗行之後,唱歌同做戲都未去到嗰個標準嘅時候,我就變得冇自信,但無奈又要面對鏡頭,所以一開始嘅時候,會俾人覺得我寸嘅,寸係因為我少講嘢,我少講嘢到係個答案,係短過你問我嗰個問題,所以啲人覺得我寸,所以當時有人話我由運動員轉行過嚟實有著數,所以扮嘢。其實唔係,事實係我好內向。」