八鄉山火直逼動物收容所 岑日珈呼籲拜山者：謹慎少少就唔會咁
撰文：吳子生
出版：更新：
40吋長腿女神歌手岑日珈（Angie）今日（27/10）現身九展出席 ViuTV全新直播節目《娛樂On Air》宣傳造勢活動。對於首次擔任節目主持人，Angie直言難免緊張有壓力，「其實當我收到通知，話搵我做呢個節目主持嘅時候，都有啲愕然，因為自己講嘢唔叻，而且之前我都只係唱歌同演戲，未曾做過主持，咁所以明白到做主持個腦一定要轉得快啲。」
愛狗之人Angie希望大眾去拜山時，緊記熄滅火種，避免引起山火造成傷亡。（梁碧玲攝）
提到日前重陽節八鄉大江埔村發生山火，附近一間動物收容中心險被波及，引起藝人袁文傑不滿，怒轟拜山者切記熄火種。同樣愛狗之人的Angie得悉相關報導，心感激動，「其實每一個人做多少少，緊慎少少，可能好多嘢就唔會發生，就唔會導致咁多意外，因為每一樣生命都係生命，動物其實佢哋都有思想，當佢哋知道自己被困嘅時候，我會感同身受覺得佢哋好無助好似等燒死，我會感到痛心難過。」
Angie首次做節目主持人，直言難免會緊張有壓力。（梁碧玲攝）