黃芷晴平復喪母之痛復工 爆黃日華憶愛妻舉動:我隔籬睇都好感動

撰文:
最後更新日期:

黃日華的女兒黃芷晴周三(28日)出席瑞士鐘錶品牌活動,這也是她在其母梁潔華今年五月離世後首次出席活動。芷晴接受《香港01》訪問時表示心情已平復了不少:「媽媽走咗一兩月嘅時候係最唔開心,做完身後事等緊上位嗰段時間,因為(第三波)疫情又冇出街,成日同爸爸喺屋企就會諗唔開心嘅嘢。」媽媽離世後,芷晴花多了時間陪爸爸:「我好驚佢冇朋友,因為佢實在太黐家,平時又唔出街、唔去飯局,好彩有三哥(苗僑偉)陪住佢!」

黃芷晴透露爸爸黃日華對手錶甚有研究。(葉志明攝)

黃芷晴透露媽媽梁潔華的骨灰已經安放靈位,自己與爸爸不時都會前往探望。說起爸爸媽媽的愛情故事,芷晴就說爸爸近日的一個舉動令她尤為感動:「爸爸喺屋企整理媽媽嘅相,佢將自己同媽媽電話裡面嘅相Print晒出嚟,起碼印咗成萬張相出嚟,然後逐張逐張剪好、過膠放入相簿。雖然呢件事望落去好搞笑,亦都令到自己好忙,但都睇得出佢有幾掛住媽媽,我喺隔籬睇都好感動!」

+5
+5
+5

梁潔華設靈︱劉德華偕太太現身送別好友 夫妻罕有公開露面惹混亂

+20
+20
+20


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。