徐嬌復興中華文化推自家漢服品牌 曾奪國際獎年收入過千萬

撰文:洪曉璇
出版:更新:
徐嬌於2008年上映的電影《長江七號》中,女扮男裝飾演小男孩「周小狄」。(劇照)
如今徐嬌已經長大成人,成為亭亭玉立的23歲少女。(微博:@徐嬌)

周星馳每套電影女主角,都會成為焦點,《長江七號》中女扮男裝嘅徐嬌成為年紀最小嘅「星女郎」。相隔多年後已經23歲嘅佢長得亭亭玉立,除咗演藝工作仲相當有生意頭腦﹗將興趣發展成事業,保守估計年收入破千萬﹗

徐嬌不時以漢服現身。(徐嬌微博)

徐嬌熱愛漢服文化,佢接受訪問時提過,讀中學時有粉絲送一本夏達嘅《哥斯拉不說話》,後來又睇咗《遊園驚夢》,對於古風興趣愈來愈濃厚。而且徐嬌身體力行,身穿漢服出席大小活動,更喺19歲就創立自己嘅漢服品牌《織羽集》開設網店。

徐嬌為自家漢服品牌做生招牌。(徐嬌網店)

年紀輕輕已經甚有生意頭腦,徐嬌將興趣轉化為生意,睇準內地近年電視劇及遊戲帶動下,漢服重新翻紅,今年3月中國華服日,當日話題量達11億次﹗徐嬌包辦自家品牌服裝、造型搭配、做埋生招牌影相,2018年初於意大利舉辦嘅中意文化年當中,獲頒「中意文化傑出貢獻獎」,亦係中國漢服圈首位獲得國際殊榮嘅漢服品牌。據徐嬌自己透露,網店目前運作很好,月銷售量突破2萬件,月銷售額達到二三百萬,成績相當理想﹗

徐嬌漢服品牌曾獲國際獎項。(徐嬌微博)
+20