王浩信獲力捧孭三劇:擔心無時間陪老婆囡囡

撰文:郭敏玲
出版:更新:

TVB在節目巡禮推介的13套劇,王浩信憑著《溏心風暴3》、《踩過界》及《不懂撒嬌的女人》佔了3套。問到是否被公司力捧?王浩信非常謙虛表示:「《溏心3》我都只係其中一員啫!可以同咁多上晒神檯嘅好戲之人合作,同人講我嚟緊嘅角色阿媽係司棋姐做,我都覺得係光宗耀祖!」他又講到《踩過界》要做盲人律師、又能在《不能撒嬌的女人》參與4K製作,非常感謝公司給予機會。

王浩信來年包攬三套劇集,與蕭正楠、田蕊妮齊名。(黃國立攝)

王浩信在節目巡禮上唱了《致命復活》的主題曲《不可告人》,是他做演員後第一首新歌,王浩信也表示難以置信:「無諗過隔咗咁耐會有新歌,事前都有練下。」問到會否想唱番歌?王浩信表示:「如果觀眾鐘意,當然想,我呢首《不可告人》都係講我呢十年來不可告人嘅事。」來年忙於拍劇,會否無時間同家人過?王浩信坦言都擔心這個問題:「除咗老婆之外,都擔心無時間同囡囡相處,始終佢都大得好快,都想佢嘅童年開心,所以都會盡量抽時間陪佢哋。」

不過他正頭痕拍咁多劇,會少了時間跟家人相處。(黃國立攝)

至於麥明詩都有出席節目巡禮,問到何浩文新鋪開張,帶了新女友唐紫瓊高調曬愛,麥明詩對此表示祝福對方,又希望對方新鋪生意財源滾滾來。麥明詩目前未有跟對方聯絡,應該之後電影宣傳才會有機會見面。

麥明詩對於何浩文最近蜜運,表示祝福。(黃國立攝)