鄭俊弘何雁詩婚禮︱玩新郎環節勁激？　張頴康中招：見到唔開胃！

鄭俊弘（Fred）和何雁詩（Stephanie）今日（7/11）在沙田一間酒店舉行婚禮，伴郎團成員張頴康接受《香港01》訪問時便指自己今早6點起身幫手拎乳豬，而伴娘團的「男姊妹」張子丰亦指自己朝早6點起身，到女家準備玩新郎的遊戲：「啲遊戲本身度咗幾個禮拜，覺得班兄弟唔會贏，點知佢哋好順利過關，都係嗰啲唔准用手着褲，又要做掌上壓咁。」

點擊下圖觀看早上接新娘情況：

有份「被玩」的張頴康亦覺得遊戲好流，因為當年結婚眼見住Fred及一班兄弟被抆腳毛，諗住今日要還債：「我今日係中咗大懲罰，要飲杯精心炮製嘅嘢，可樂溝豉油，見到都唔開胃，點知又幾好飲。」

提到開門利市，張頴康和張子丰異口同聲指支票好大張，但銀碼就不清楚。張頴康又笑指以為給開門利市時會「有排搞」，豈料只是讚讚一班姊妹靚女就過關，張子丰則指一班姊妹為就吉時所以才「鬆章」。