蔡宛珊回應被指搶人老公 理解「正印」為何嬲爆:件事有少少棘手

撰文:劉傳謙
出版:更新:

蔡宛珊(Sarika)早前被爆戀上人夫紋身師Dust Wu(胡仔),她接受訪問時便承認已與對方拍拖兩至三個月,而對方正與台灣藝人老婆林家璜(Kitty)辦理離婚手續。然而,林家璜最近在Facebook出Post,,否認將與胡仔離婚。昨日(12/11),蔡宛珊出席網劇《把砒霜留給自己》宣傳活動時便再度回應事件。

(左起)劉翁、小肥、蔡宛珊和劉浩龍現身葵涌宣傳新網劇。(梁碧玲攝)

Sarika接受《香港01》訪問時坦言沒有想過公開戀情,但在傳媒揭發後亦沒有打算隱瞞。她指胡仔一直都有Kitty聯絡,指對方如今已經是朋友關係,被問到對方尚未離婚時,她指自己亦深深體會手續繁複,離婚未必是短時間內能完成的事:「佢一路都有搵律師跟進,但係冇辦法,一定要親身飛過去,暫時有少少棘手,但係佢哋一路都搞緊。我自己都好明白,我都係過來人,自己個Case都搞咗3年幾。」

Sarika指男友已經盡快辦妥離婚手續。(梁碧玲攝)

談到Kitty否認會與胡仔離婚時,Sarika則指:「我諗佢喺嗰邊(台灣),唔知道佢喺嗰邊睇到啲咩,收到啲咩新聞,或者佢啲朋友講咗啲咩。我都好明白,佢唔開心,有啲咁嘅反應都係好正常,但係我男朋友都好體諒,第二日即刻出咗聲明,亦都私底下同佢前妻解釋番。其實都係一場誤會,大家都解釋得清楚,事件已經告一段落。」被問到會否考慮與胡仔結婚,她指未有想得太長遠,當下認為開心要緊。

Sarika指男友已經與前妻溝通,認為是場誤會,盼事件會告一段落。(梁碧玲攝)