【大步走】姚子羚傳夜會緋聞男友 拒正面回應：呢方面一向低調！
撰文：洪曉璇
出版：更新：
新劇《大步走》中姚子羚同陳山聰又再飾演情侶。（劉智源攝）
姚子羚最近被傳媒影到夜會緋聞男友Raymond，傳出翻撻疑雲。呢日佢出席劇集《大步走》宣傳活動時，拒回應感情事，直言一向對呢方面低調，到他日遇到真命天子步入教堂就會接受大家祝福。不過講到螢幕情人陳山聰，子羚就侃侃而談：「第幾次演情侶呢，好似已經4次啦！」山聰話多次演情侶最愛呢套劇中關係田，異性友誼中帶點曖昧。
熱愛跑步嘅陳山聰，喺戲中做跑步教練，笑言姚子羚仲跑得多過佢。（劉智源攝）
問到現實生活中有無一個咁嘅人，子羚就話：「其實我一直都有好多異性好朋友，好似山聰咁，但就係buddy好兄弟囉，唔會有咩曖昧。」山聰仲笑言：「我哋真係坦蕩蕩咩都講得，連底褲咩色都可以講，老婆都知我哋咁friend但唔會覺得有任何問題。」