【大步走】陳山聰首次飾演爸爸：估唔到一嚟有咁大個女

出名熱愛跑步嘅陳山聰，為新劇《大步走》宣傳，佢喺戲中飾演跑步教練，亦首次喺劇中做爸爸：「終於有機會飾演爸爸，但估唔到一嚟係劉穎鏇咁大個女。最搞笑呢套佢做我個女，《超能使者》做我條女。」身旁嘅姚子羚不禁笑住話山聰外型可塑性好高。

戲中第一次做爸爸，現實生活中山聰亦係新手爸爸，囝囝Jaco七月初出世，一提起佢山聰即刻露出慈父笑容：「就嚟識轉身啦，依家一有時間就幫下扶下，佢條頸都好有力。」身旁嘅子羚話：「但係因為疫情我仲未有機會見佢呀，成日睇片覺得Jaco好得意，希望之後有機會探佢啦。」