【台慶2020】陳苑澄綵排意外受傷忍痛上陣:右腳拗柴要放血

撰文:洪曉璇
出版:更新:
陳苑澄忍痛綵排及演出。(葉志明攝)

11月19日係TVB 53周年台慶,全台藝員都忙於綵排當晚演出。每年楊盼盼擔任動作設計及顧問嘅環節,都拳拳到肉打到飛起,呢日鄭俊弘,伍富橋,鄧卓殷,郭子豪等進行綵排,見到陳苑澄踢腿等表現正常,但原來佢係負傷上陣。

陳苑澄接受《香港01》訪問時,展示痛腳:「呢次演出練咗十幾日,我出場晚要踩住人地背脊跳出嚟,點知早2日右腳就拗柴,即刻腫起,當晚拿拿聲去睇醫生針咗放血,依家叫好少少,都要頂硬上。」

陳苑澄忍痛綵排及演出。(葉志明攝)
鄭俊弘,伍富橋,郭子豪,鄧卓殷,陳苑澄等為台慶演出綵排。(葉志明攝)